kaalayaana | ಕಾಲಯಾನ

PDF ಡೌನ್‌ಲೋಡ್ ಮಾಡಲು ಇಲ್ಲಿ ಕ್ಲಿಕ್ ಮಾಡಿ

  ಇಂದು ನಾವು ವಿಶ್ವಸಂಸ್ಥೆ ಘೋಷಿಸಿದ 'ಮಕ್ಕಳ ಹಕ್ಕುಗಳ' ಬಗ್ಗೆ ಮಾತನಾಡುತ್ತೇವೆ. ಆದರೆ, ಸುಮಾರು ಒಂಬತ್ತು ಶತಮಾನಗಳ ಹಿಂದೆಯೇ ಜಗಜ್ಯೋತಿ ಬಸವಣ್ಣನವರು ತಮ್ಮ ವಚನಗಳ ಮೂಲಕ ಮಕ್ಕಳ ಘನತೆ ಮತ್ತು ಬೆಳವಣಿಗೆಗೆ ಪೂರಕವಾದ ಸೈದ್ಧಾಂತಿಕ ಅಡಿಪಾಯ ಹಾಕಿದ್ದರು ಎಂಬುದು ಹೆಮ್ಮೆಯ ವಿಷಯ. 1. ವ್ಯಕ್ತಿತ್ವ ಮತ್ತು ಸಮಾನತೆಯ ಹಕ್ಕು: ಮಕ್ಕಳ ಹಕ್ಕುಗಳ ಮೊದಲ ಆದ್ಯತೆ 'ಸಮಾನತೆ'. ಬಸವಣ್ಣನವರು "ಇವನಾರವ ಇವನಾರವ ಎನ್ನದೆ ಇವ ನಮ್ಮವ ಎನ್ನಿರಯ್ಯ" ಎಂದು ಸಾರುವ ಮೂಲಕ, ಮಗು ಯಾವುದೇ ಜಾತಿ, ಧರ್ಮ ಅಥವಾ ವರ್ಗದಲ್ಲಿ ಹುಟ್ಟಿದರೂ ಅದನ್ನು 'ನಮ್ಮವ' ಎಂದು ಒಪ್ಪಿಕೊಳ್ಳುವ ಔದಾರ್ಯವನ್ನು ಕಲಿಸಿದರು. ಹುಟ್ಟಿನ ಆಧಾರದ ಮೇಲೆ ಮಗುವಿನ ಹಕ್ಕುಗಳನ್ನು ನಿರಾಕರಿಸಬಾರದು ಎಂಬುದು ಇಂದಿನ ಆಧುನಿಕ ಕಾಯ್ದೆಗಳ ಆಶಯವೂ ಹೌದು. 2. ಹಿಂಸೆ ಮುಕ್ತ ಬಾಲ್ಯದ ಹಕ್ಕು: ಆಧುನಿಕ ಕಾನೂನು ಮಗುವಿನ ಮೇಲಿನ ದೈಹಿಕ ಮತ್ತು ಮಾನಸಿಕ ಹಿಂಸೆಯನ್ನು ಅಪರಾಧವೆಂದು ಪರಿಗಣಿಸುತ್ತದೆ. ಬಸವಣ್ಣನವರು ಅಂದೇ "ದಯೆಯಿಲ್ಲದ ಧರ್ಮವದಾವುದಯ್ಯಾ?" ಎಂದು ಪ್ರಶ್ನಿಸಿದರು. ಮಕ್ಕಳನ್ನು ಹೊಡೆಯುವುದು ಅಥವಾ ಬೆದರಿಸುವುದರ ಬದಲು, ಪ್ರೀತಿ ಮತ್ತು ಕರುಣೆಯಿಂದ ಬೆಳೆಸಬೇಕು ಎಂಬುದು ವಚನಗಳ ಸಾರವಾಗಿತ್ತು. ಮಗುವಿನ ಘನತೆಗೆ ಧಕ್ಕೆ ತರುವಂತಹ ಯಾವುದೇ ನಡೆ ಧರ್ಮವಲ್ಲ ಎಂಬುದು ಅವರ ನಿಲುವಾಗಿತ್ತು. 3. ಶಿಕ್ಷಣ ಮತ್ತು ಅರಿವಿನ ಹಕ್ಕು (ಅನುಭವ ಮಂಟಪ):...

  ವಿಶ್ವಗುರು ಬಸವಣ್ಣನವರ ಜನ್ಮ ಜಯಂತಿಯ ಹಾರ್ದಿಕ ಶುಭಾಶಯಗಳು. ಸಮಾನತೆ, ಶ್ರಮದ ಗೌರವ, ಮಾನವೀಯತೆ ಮತ್ತು ಸತ್ಯನಿಷ್ಠೆಯ ಮೌಲ್ಯಗಳನ್ನು ಬದುಕಿನ ಮಾರ್ಗವನ್ನಾಗಿ ಮಾಡಿದ ಮಹಾನ್ ಚಿಂತಕರಾದ ಬಸವಣ್ಣನವರು ಇಂದಿಗೂ ಸಮಾಜಕ್ಕೆ ದಾರಿದೀಪವಾಗಿದ್ದಾರೆ. “ಕಾಯಕವೇ ಕೈಲಾಸ” ಎಂಬ ಅವರ ವಚನವು ಪ್ರತಿಯೊಬ್ಬರಿಗೂ ಶ್ರಮವೇ ಶ್ರೇಷ್ಠ ಸಾಧನೆ ಎಂಬ ಸಂದೇಶವನ್ನು ನೀಡುತ್ತದೆ. ಈ ವಚನದ ಸ್ಫೂರ್ತಿಯಂತೆ, ನಮ್ಮ ಪ್ರತಿಯೊಂದು ಕಾರ್ಯವೂ ಸಮಾಜಮುಖಿಯಾಗಲಿ, ಮಾನವೀಯತೆಯಿಂದ ಕೂಡಿರಲಿ. ಬಸವಣ್ಣನವರ ಆದರ್ಶಗಳು ನಮ್ಮಲ್ಲಿ ಹೊಸ ಬೆಳಕು, ಹೊಸ ಚೈತನ್ಯ ತುಂಬಲಿ. ಇಂದಿನ ದಿನದಲ್ಲಿ ಬಸವಣ್ಣನವರ ಆದರ್ಶಗಳನ್ನು ನೆನಪಿಸಿಕೊಳ್ಳುವುದಷ್ಟೇ ಅಲ್ಲ, ಅವನ್ನು ನಮ್ಮ ನಡೆ-ನುಡಿಯಲ್ಲಿ ಅಳವಡಿಸಿಕೊಳ್ಳುವುದು ನಿಜವಾದ ಗೌರವ. ಬಸವ ತತ್ವಗಳು ನಮ್ಮ ಸಮಾಜವನ್ನು ಇನ್ನಷ್ಟು ನ್ಯಾಯಸಮ್ಮತ, ಸಮಾನ ಮತ್ತು ಮಾನವೀಯವಾಗಿಸಲಿ. ನಾಡಿನ ಸಮಸ್ತ ಜನತೆಗೆ  ಬಸವ ಜಯಂತಿ ಯ ಹಾರ್ದಿಕ ಶುಭಾಶಯಗಳು.    

  ರಾಜ್ಯದ ಟೈಪ್-1 ಮಧುಮೇಹ ಪೀಡಿತ ಮಕ್ಕಳಿಗೆ ಉಚಿತ ಇನ್ಸುಲಿನ್ ಮತ್ತು ಟೆಸ್ಟಿಂಗ್ ಸ್ಟ್ರಿಪ್‌ಗಳನ್ನು ಒದಗಿಸಲು ಸರ್ಕಾರಕ್ಕೆ ಒತ್ತಾಯ ರಾಜ್ಯದಲ್ಲಿ ಟೈಪ್-1 ಮಧುಮೇಹದಿಂದ (Type-1 Diabetes) ಬಳಲುತ್ತಿರುವ ಸಾವಿರಾರು ಮಕ್ಕಳ ಜೀವನ ರಕ್ಷಣೆಯ ದೃಷ್ಟಿಯಿಂದ ಸರ್ಕಾರವು ತಕ್ಷಣವೇ ಉಚಿತ ಇನ್ಸುಲಿನ್ ಮತ್ತು ಗ್ಲುಕೋಮೀಟರ್ ಟೆಸ್ಟಿಂಗ್ ಸ್ಟ್ರಿಪ್‌ಗಳನ್ನು ಒದಗಿಸುವ ಯೋಜನೆಯನ್ನು ಜಾರಿಗೆ ತರಬೇಕು ಎಂದು ರಾಜ್ಯ ಮಕ್ಕಳ ಹಕ್ಕುಗಳ ರಕ್ಷಣಾ ಆಯೋಗದ ನಿಕಟಪೂರ್ವ ಸದಸ್ಯ ಡಾ.ತಿಪ್ಪೇಸ್ವಾಮಿ ಕೆ.ಟಿ  ಅರೋಗ್ಯ ಇಲಾಖೆಯ ಪ್ರಧಾನ ಕಾರ್ಯದರ್ಶಿಗಳಿಗೆ ಪತ್ರ ಬರೆಯುವ ಮೂಲಕ ಸರ್ಕಾರವನ್ನು ಒತ್ತಾಯಿಸಿದ್ದಾರೆ.  ಟೈಪ್-1 ಮಧುಮೇಹವು ಮಕ್ಕಳಲ್ಲಿ ಕಂಡುಬರುವ ಒಂದು ಸಂಕೀರ್ಣ ಆರೋಗ್ಯ ಸಮಸ್ಯೆಯಾಗಿದ್ದು, ಬದುಕಲು ಅವರು ಜೀವಮಾನ ಪೂರ್ತಿ ಇನ್ಸುಲಿನ್ ಚುಚ್ಚುಮದ್ದಿನ ಮೇಲೆ ಅವಲಂಬಿತರಾಗಬೇಕಿದೆ. ಬಡ ಮತ್ತು ಮಧ್ಯಮ ವರ್ಗದ ಕುಟುಂಬಗಳಿಗೆ ಪ್ರತಿ ತಿಂಗಳು ಇನ್ಸುಲಿನ್ ಮತ್ತು ರಕ್ತದ ಸಕ್ಕರೆ ಪರೀಕ್ಷೆಯ ಸ್ಟ್ರಿಪ್‌ಗಳಿಗಾಗಿ 5000 ದಿಂದ 7000 ರೂಪಾಯಿಗಳವರೆಗೆ ವೆಚ್ಚವಾಗುತ್ತಿದೆ. ಈ ಆರ್ಥಿಕ ಹೊರೆಯನ್ನು ಭರಿಸಲಾಗದೆ ಅನೇಕ ಪೋಷಕರು ಚಿಕಿತ್ಸೆಯನ್ನು ಅರ್ಧಕ್ಕೆ ನಿಲ್ಲಿಸುವ ಅಥವಾ ಅರೆಬರೆ ಚಿಕಿತ್ಸೆ ನೀಡುವ ಸ್ಥಿತಿ ನಿರ್ಮಾಣವಾಗಿದೆ, ಇದು ಮಕ್ಕಳ ಪ್ರಾಣಕ್ಕೆ ಸಂಚಕಾರ ತರುತ್ತಿದೆ. ಈ ಹಿನ್ನೆಲೆಯಲ್ಲಿ ಸರ್ಕಾರವು ರಾಜ್ಯದ ಎಲ್ಲಾ ಸರ್ಕಾರಿ ...